সপোন
এটি নিভাঁজ অনুভূতিৰে আৱৰি ৰখা,
এটা মায়াময় শব্দ।
এটি ছন্দোময় আৱেগ।
অনেক কিৰণেৰে উদ্ভাসিত এটিআশা।
ৰূপান্তৰলৈকে বিস্তাৰিত হৈ থকা,
সপোন এক বিশাল পৰিসৰ।
জাৰৰ কুহুমীয়া পুৱাত
মিঠা ৰ’দ যেন একাঁজলি সপোন
গ্ৰীষ্মৰ ভৰদুপৰীয়া
এচাটি মৃদু মলয়াৰ বতাহৰ হাবিয়াস
যেন এটি সপোন
পূৰ্ণিমাৰ জোনবাইৰ বুকুত জোনাকী ঘৰ এখন সজাৰ এটি মিঠা সপোন
সেউজীয়া ঘাঁহনিত বহি
হীৰুদাৰ “আৱৰণ খুলি হিয়া জুৰোৱা” প্ৰেমৰ কবিতা আওঁৰোৱাৰ সপোন
শৈশৱতে দুচকুত সানি লোৱা
লুকাভাকু খেলা শুকুলা ডাৱৰৰ স’তে
এটি মিঠা সপোন লৈ ফুৰোঁ আজিও।
সপোনবোৰ হ’ল অৱদমিত বাসনাৰ গোপন প্ৰকাশ
A Secret outlet of suppressed desires.